Transcription
1Monseigneur encor que les nouvelles qui nous sont
2ce soyr survenues, quentendrez plus à plain du pourteur
3des presentes ne soient si asseurees quant à present,
4toutesfoys pour la consequence dicelles et pour
5obvyer à toute surprinse, estans enseignés du passé,
6nous avons estimé que nostre debvoyr pourtoyt
7de vous en donner advys, et ce pendant y
8avons pourveu comme nous avons estimé estre
9requis pour la seurté de nostre ville et pour le
10service du roy, comme vous dira ledit pourteur.
11Monseigneur, nous prions le Createur vous
12donner en sancté parfaicte bonne vie et longue.
13De Vienne, ce XXVIIe daoust 1572
14Voz humbles serviteurs
15affectionés, les consuls de
16Vienne
17Savignieu